ராமேஸ்வரம் மீனவர்கள் காலவரையற்ற வேலை நிறுத்தம். மீண்பிடி தொழில் பாதிப்பு.

ராமேஸ்வரம் மீனவர்கள் நேற்று முன்தினம் காலை 626 விசைப்படகுகளில் கடலுக்குள் சென்றனர். இவர்கள் அன்றிரவு கச்சத்தீவு பகுதியில் மீன் பிடித்துக் கொண்டிருந்தனர். அப்போது அங்கு வந்த இலங்கை கடற்படையினர், ராமேஸ்வரம் மீனவர்கள் 23 பேரை சிறை பிடித்துச் சென்றனர். இலங்கை கடற்படையால் சிறைபிடிக்கப்பட்ட தமிழக மீனவர்களை மீட்கக் கோரி ராமேஸ்வரம் மீனவர்கள் காலவரையற்ற வேலைநிறுத்த போராட்டத்தை இன்று துவக்கினர். நூற்றுக்கணக்கான விசைப்படகுகள் கடலுக்கு செல்லாமல் துறைமுகத்தில் நிறுத்தப்பட்டுள்ளன. மீன்பிடி தொழில் முடங்கியுள்ளது. இந்த சம்பவம் தமிழக மீனவர்களிடையே பெரும் அதிர்ச்சியை ஏற்படுத்தி உள்ளது.